Interclub Damen 40+ - Aufstiegsrunde 2026

2. Liga spiele passt zu öis…Nöchscht Johr mache mir nüt Nöis

Nach dr Gruppephase simer uf em 2. Platz
Yeh, mir hei gwunne Satz um Satz…

Denn ab ad Ufstiegsspiel nach Burgdorf ufe
Noni Pause, nüt mit dureschnuufe

S Helene fahrt zur Cooptankstell ganz souverän
Nachem Käffeli schmiede mir den nöisi Plän

Mir si parat und voller Elan
Ziehi vou dure öise Plan

Mir nähmes entspannt, aber trotzdäm fokusiert
Es wird vougas gspielt und vöu fotographiert

D Einzu verlüre mer mou knapp mou klar
Für d Doppu mache sich öisi Gegnerinne denn rar

Sie wette gar nümm spiele, s isch zum gröle
Vöu lieber wette sie scho aperöle

Doch mir wei spiele, no es Pünktli mache
Das Cüpli muess warte und mir chöi wieder lache

S Pünktli isch denn knapp a öis vorby is out
Oje, denn nähme mer das Apero jetz haut

Fazit: 2. Liga spiele passt zu öis…nöchscht Johr mache mer nüt Nöis